Sa cannaca SARDÌNNIA cheret fàere connòschere is òperas de istudiosos e intellettuales de pore de limba tedesca e de àteras limbas, chi appant fattu istùdios de isceras divàrias e chi siant in relata a sa Sardìnnia. Cunforma a s'idea de is curadores s'ìsula podet tènnere unu logu de importu mannu in s'isviluppu de sa cultura europea de tottus e non de pagos. Sa cannaca SARDÌNNIA nàschet pro presentare a is leggidores una limba e una cultura romanza de is prus antigas e pro los inganare a sa chistione de is limbas e culturas de minoria.

Sa cannaca SARDÌNNIA est nàschida gràzias a su traballu de Giuanne Màsala e Titus Gast chi la tenent finzas a incuru cun s'agiudu de Rembert Eufe, Graziano Fois, Markus Fritsche, Andreas Stieglitz, Manuela Mereu, Moritz Burgmann, Helga Merz e Nadja Ansorg e in collàboru cun s'Istitutu de Litteraduras Romanzas (Romanische Literaturen II) e su Lettoradu de Limba e Civiltade Sarda de s'universidade de Stoccarda.

Is curadores de sa cannaca SARDÌNNIA faghent custu traballu ebbia pro un'istima manna chi los aunit a s'ìsula, peroe sa pàgina de presentada, sa cannaca e is imprestaduras non recint nen dinare pùbblicu e nen privadu.