La colana SARDÌNNIA se tol dant de porté l'atenzion sun operes de studiousc de aldidancuei, souraldut todesc y che vegn ca da disciplines scientifiches desvalives, che à dediché na pert de siei studes a la Sardegna. I curatours dla colana mina che l'ijola posse ti dé n contribut nia secondar a la chersciuda dl vedl continent european. A chesta moda vuel la colana SARDÌNNIA ti prejenté ai letours un di lingac romans plu vedli y originai con sia cultura te siei desvalifs aspec, y tl medem temp viventé la discuscion atuala soura i lingac y les cultures "manco sparpagnés".

La colana SARDÌNNIA é vegnuda metuda y ala é cureda da Giovanni Masala y Titus Gast con la partezipazion de Rembert Eufe, Graziano Fois, Markus Fritsche y Andreas Stieglitz en colaborazion con l istitut de leteratures romanzes (Romanische Literaturen II) y i letorac de lingaz y zivilté sarda dles universités de Stuttgart, Tübingen y Minca.

SARDÌNNIA é na scomenciadiva di curatours, che fej chest laour demé a titul onorifich; homepage, colana y publicazions ne ciapa deguna sort de contribut privat ne da istituzions publiches.